စွန့်ပစ်ပစ္စည်းစီမံခန့်ခွဲမှု ဓါတ်ပုံပြိုင်ပွဲ မှ ဆုရဓါတ်ပုံများအခင်းအကျင်း

စွန့်ပစ်ပစ္စည်းစီမံခန့်ခွဲမှု စီမံကိန်းမှ စီစဉ်ခဲ့သော ဓါတ်ပုံပြိုင်ပွဲတွင် ပထမဆုရရှိခဲ့သော ဦးရဲလင်းကျော်၏ ဖန်တီးမှုများကို ဂုဏ်ပြုအပ်ပါသည်။

01                 02

03

04                05

စွန့်ပစ်ပစ္စည်းစီမံခန့်ခွဲမှု စီမံကိန်းမှ စီစဉ်ခဲ့သော ဓါတ်ပုံပြိုင်ပွဲတွင် ဒုတိယဆုရရှိခဲ့သော ဦးခိုင်ဇော်လင်း၏ ဖန်တီးမှုများကို ဂုဏ်ပြုအပ်ပါသည်။

“ကျွန်ုပ်အပါအ၀င် သင်တို့ တစ်ဦးချင်းရဲ့ စွန့်ပစ်တဲ့ အမှိုက်ဆိုတာ နည်းနည်းချင်းစီပါ .. ဒါပေမယ့် .. ခုလို စုစီးမိသွားတဲ့အခါ .. သင့်ပတ်ဝန်းကျင် .. သင့်မြို့တော် အတွက် အန္တရာယ် ရှိနေပါပြီ”

25a                     25b

                         25c

စွန့်ပစ်ပစ္စည်းစီမံခန့်ခွဲမှု စီမံကိန်းမှ စီစဉ်ခဲ့သော ဓါတ်ပုံပြိုင်ပွဲတွင် တတိယဆု ရရှိခဲ့သော ဦးစိုးမြင့်၏ ဖန်တီးမှုများကို ဂုဏ်ပြုအပ်ပါသည်။

“အမှိုက်ကောက် သမားရဲ့ ဘဝ အတွေး
ဒီဘူးခွံလေး ရောင်းလို့ရတယ်
ဟော မြောင်းထဲမှာ တစ်ခု
ငါ့အိပ်ပြည့်လို့ ရှိရင်
ငါတို့မိသားစု ဒီမနက် ထမင်းစားလို့ ရပါ့မလား
ဒါလေး ကနို့ဆီခွက် ဘူးခွံကိုလုပ်ထားတာလား
အော် သူတို့ ဒီနေ့ စွန်ပစ်လိုက်တဲ့
အမှိုက်ဟာ လူးသားအသုံး အဆောင်ပစ္စည်း
လေးတစ်ခု ဖြစ်သွားပါလား”

15

စွန့်ပစ်ပစ္စည်းစီမံခန့်ခွဲမှု စီမံကိန်းမှ စီစဉ်ခဲ့သော ဓါတ်ပုံပြိုင်ပွဲတွင် နှစ်သိမ့်ဆု ရရှိခဲ့သော ဦးစိုးမြင့်၏ ဖန်တီးမှုများကို ဂုဏ်ပြုအပ်ပါသည်။

“ကမာကြည် လမ်းမကြီးပေါ်မှ
အမှိုက် သိမ်း စနစ်
သန့်ရှင်း မှူ့ ကြောင့်
မြို့ သာယာ သည်”

16

Posted in Activities | Leave a comment

စွန့်ပစ်ပစ္စည်းစီမံခန့်ခွဲမှု စီမံကိန်းမှ စီစဉ်ခဲ့သော ဓါတ်ပုံပြိုင်ပွဲ၏ ဆုရရှိသူများကို ဖော်ထုတ်လိုက်ပါပြီ-

“လွှင့်ပြစ်လိုက်တဲ့ ရေအိုးကိုပတ်ဝန်းကျင်လဲ အနှောက်အယှက်မဖြစ်ရေသောက်တဲ့သူတွေလဲအေးမြ “ ပုံစာသားဖြင့် ပထမဆုကို Profile name –Ye Lin (ရဲလင်းကျော်) မှ လည်းကောင်း။

“ကျွန်ုပ်အပါအ၀င် သင်တို့ တစ်ဦးချင်းရဲ့ စွန့်ပစ်တဲ့ အမှိုက်ဆိုတာ နည်းနည်းချင်းစီပါ .. ဒါပေမယ့် .. ခုလို စုစီးမိသွားတဲ့အခါ .. သင့်ပတ်ဝန်းကျင် .. သင့်မြို့တော် အတွက် အန္တရာယ် ရှိနေပါပြီ ” ပုံစာသားဖြင့် ဒုတိယဆုကို Profile name –Khine Zaw ( ဦးခိုင်ဇော်လင်း) မှလည်းကောင်း။

“အမှိုက်ကောက် သမားရဲ့ ဘဝ အတွေး
ဒီဘူးခွံလေး ရောင်းလို့ရတယ်
ဟော မြောင်းထဲမှာ တစ်ခု
ငါ့အိပ်ပြည့်လို့ ရှိရင်
ငါတို့မိသားစု ဒီမနက် ထမင်းစားလို့ ရပါ့မလား
ဒါလေး ကနို့ဆီခွက် ဘူးခွံကိုလုပ်ထားတာလား
အော် သူတို့ ဒီနေ့ စွန်ပစ်လိုက်တဲ့
အမှိုက်ဟာ လူးသားအသုံး အဆောင်ပစ္စည်း
လေးတစ်ခု ဖြစ်သွားပါလား “ပုံစာသားဖြင့် တတိယဆုကို Profile name- Sthaudi Myanmar (ဦးမြင့်စိုး)မှ လည်းကောင်း။

“ကမာကြည် လမ်းမကြီးပေါ်မှ အမှိုက် သိမ်း စနစ်” ပုံစာသားဖြင့် နှစ်သိမ့်ဆုကို Profile name- Sthaudio Myanmar (ဦးမြင့်စိုး)မှ လည်းကောင်းထပ်မံရရှိခဲ့ပါတယ်။

Posted in Activities | Leave a comment

၂၀၁၅ လူထုအသိပညာပေး ပြက္ခဒိန်များ ဖြန့်ဝေခြင်း

လူထုတွင် အမှိုက်နှင့်ပတ်သက်ပြီး အသိပညာမြှင့်တင်ရေးအတွက် နည်းလမ်းပေါင်းစုံဖြင့် ချဉ်းကပ်ဆောင်ရွက်နေပါသည်။ လူထုအသိပညာ ဖြန့်ကျက်ရေးကွန်ရက်တိုးတက်စေဖို့အတွက် SWM2 အဖွဲ့မှ ၂၀၁၅ ခုနှစ်အတွက် ပြက္ခဒိန် ဖန်တီးကာ ပြည်သူလူထုထံဖြန့်ဝေခဲ့ပါသည်။

၂၀၁၅ပြက္ခဒိန်တွင် အဓိကအားဖြင့် Recycle (ပြန်လည်တီထွင်အသုံးချခြင်း)၊ အမှိုက်အစိုအခြောက်ခွဲခြားခြင်းဖြင့် မြေဆွေးထုတ်လုပ်မှုအခွင့်အရေးအား ရယူနိုင်မှု နှင့်မြို့တော်သန့်ရှင်းသာယာလှပရေးတို့ကို အဓိကထား ပုံဖော်ထားပါသည်။ ၂၀၁၅ ပြက္ခဒိန်ကိုလည်း ၂၀၁၄ ပြက္ခဒိန်ကဲ့သို့ ကာတွန်းရုပ်ပုံလေးများဖြင့် ပုံဖော်ထားပါသည်။ ကာတွန်းနှင့် ပြက္ခဒိန် ဒီဇိုင်းအား ကာတွန်းဆရာ ဦးဝင်းမြင့်အောင်မှ ပုံဖော်ဖန်တီးထားပါသည်။ ပြက္ခဒိန်တွင် ဖော်ပြထားသော သတင်းစကားမှာ ရှင်းလင်းလွယ်ကူပြီး မြင်သာထင်သာ ရှိပါသည်။

02

ပြက္ခဒိန်များအား စီမံကိန်းမြို့နယ်အတွင်း ကျင်းပခဲ့သော လူထုအသိပညာမြှင့်တင်ရေးပွဲများတွင် အိမ်များ၊ ဈေးဆိုင်များ၊ လမ်းသွားလမ်းလာများအားဝေငှခဲ့သည်။ ပြက္ခဒိန်၏ ဒီဇိုင်းမှာ လှပကောင်းမွန်သည့်အပြင် အသုံးဝင်မှုကြောင့် လူအများကြိုက်နှစ်သက် ကြပါသည်။ အချို့ဆိုင်များမှာ ပြက္ခဒိန်ရရှိပြီး ချက်ချင်း ၄င်းတို့ဆိုင်နံရံတွင် ကပ်ထားလိုက်ပါသည်။ ထို့အတွက်ကြောင့် ဆိုင်သို့ လာရောက်သူများအားလုံး ပြက္ခဒိန်အား မြင်တွေ့ကြည့်ရှုနိုင်ပြီး အသိပညာပေး သတင်းစကားများ ပြန့်နှံ့ပြီးသား ဖြစ်သွားမည် ဖြစ်သည်။

ထို့အပြင် ပြက္ခဒိန်များအား ဈေးများတွင် လူထုအသိပညာပေး ဆောင်ရွက်မှုများတွင် ဝေငှခဲ့ပါသည်။ မြန်မာနိုင်ငံတွင် အများအားဖြင့် အိမ်ထောင်စုများသည် အစားအသောက်များအား တနေ့တာချက်ပြုတ်ရုံသာ ဝယ်လေ့ရှိသဖြင့် ဈေးများသည် မနက်ပိုင်းတွင် အိမ်ထောင်စုများမှ လူစုဝေးရာအရပ်ဖြစ်ပါသည်။ သို့ဖြစ်ရာ ဈေးများတွင် လူထုအသိပညာပေးဆောင်ရွက်မှု ဆောင်ရွက်ခဲ့သဖြင့် လူထုအတွင်းပြန့်နှံ့မှုပိုမိုများပြားသွားပြီးဖြစ်ပါသည်။

01

အချုပ်အားဖြင့်၊ ၂၀၁၅ အသိပညာပေး ပြက္ခဒိန်လေးသည် ဆိုင်များ၊ အိမ်များ၏ နံရံတွင် တနှစ်တာပတ်လည်လုံး တည်ရှိနေမည်ဖြစ်ပြီး ၄င်းအားအသုံးပြုသူများအား အသုံးပြုသည့်အခါတိုင်းတွင် အသိပညာပေးသတင်းစကားများအား ဖြန့်ဝေခြင်း၊ သိပြီးသားသူများအတွက် ထပ်မံသတိပေးနှိုးဆော်ခြင်းများလုပ်နိုင်မည်ဖြစ်သည်။

Posted in Activities | Leave a comment

စွန့်ပစ်ပစ္စည်းစီမံခန့်ခွဲခြင်းအဖွဲ့မှ စီစဉ်တင်ဆက်သော ဓါတ်ပုံပြိုင်ပွဲ၏ ဆုလက်ဆောင်များ

SWM02                         SWM03

SWM 04         SWM05

Posted in Activities | Leave a comment

စွန့်ပစ်ပစ္စည်းစီမံခန့်ခွဲခြင်းအဖွဲ့မှ စီစဉ်တင်ဆက်သော ဓါတ်ပုံပြိုင်ပွဲ

သင်မနေ့ကပစ်လိုက်တဲ့အမှိုက် ဒီနေ့ဘယ်ရောက်သွားလဲ။” ဆိုတဲ့ခေါင်းစဉ်လေးနဲ့အတူ ရန်ကုန်ရှိ စွန့်ပစ်ပစ္စည်းစီမံခန့်ခွဲမှု စီမံကိန်း၏ တစိတ်တဒေသ အဖြစ် ၃ပတ်ကြာ စွန့်ပစ်ပစ္စည်းစီမံခန့်ခွဲမှုဆိုင်ရာ ဓာတ်ပုံပြိုင်ပွဲကို ၃၀ ဧပြီ ၂၀၁၅ တွင်စတင်လိုက်ပါပြီ။

အမှိုက်ကို ဘယ်လိုမြင်ပါသလဲ? သင့်အိမ်နှင့် သင့်ပတ်ဝန်းကျင်ရှိ အမှိုက်နှင့် အမှိုက်မှ လှပသောအတွေးအခေါ်များ၊ အမှိုက်အကြောင်းကဗျာလေးများ၊ စာစီကုံးများ၊ အမှိုက်စနစ်နဲ့ပတ်သတ်၍ စိတ်ကူးထဲမှာရှိသော ပန်းချီကားများ၊ ဓာတ်ပုံများကို facebook စာမျက်နှာ Solid Waste Management-SWM Yangon သို့ ပေးပို့ပေးပါ။ (ဓာတ်ပုံနှင့်ပတ်သက်သော ရှင်းလင်းတင်ပြချက်များကို မပျက်မကွက်လေး ရေးပေးပါနော်။)  ပြိုင်ပွဲနှင့်ပတ်သက်ပြီး စိတ်ဝင်စားစရာများနှင့် နောက်ဆုံးသတင်းအချက်အလက်များ၊ ဆုဆွတ်ခူးရသောဓာတ်ပုံများကို ကျွန်မရဲ့facebook စာမျက်နှာနှင့် သတင်းစာတွင် ဖော်ပြသွားပါမည်။

အကောင်းဆုံးများထဲမှအကောင်းဆုံးကို ရွေးချယ်ပြီး ကြွပ်ကြွပ် စီမံကိန်း၏ လှပသော အမှတ်တရ လက်ဆောင်များ ကိုလည်း ပေးအပ် သွားမှာဖြစ်ပါတယ်။

ရန်ကုန်မြိုကိုသန့်ရှင်းစေချင်တာ ကျွန်တော်တို့ရဲ့ ပန်းတိုင်ဖြစ်ပါတယ်။ ကျွန်တော်တို့နဲ့ ပူပေါင်းဆောင်ရွက်ရင်း ပတ်ဝန်းကျင်ရေးရာ ဆောင်ရွက်သူတစ်ဦးအဖြစ်ပါဝင်ရန် ဖိတ်ခေါ်ပါတယ်။

အမှိုက်လျော့ချခြင်း၊ ပြန်လည်အသုံးချခြင်း အရာများကို အတူတကွ လေ့လာကာ လိုက်နာဆောင်ရွက်ခြင်းဖြင့် မြို့တော်ကို လှပအောင် အတူတကွထိန်းသိမ်းကြပါစို့။

 ပြိုင်ပွဲစည်းမျဉ်းစည်းကမ်းများ

၁။ ကိုယ်တိုင်ရိုက်ကူးထားသော ဓာတ်ပုံဖြင့်သာဝင်ရောက်ယှဉ်ပြိုင်ခွင့်ရှိသည်။

၂။ (၃၀.၄.၂၀၁၅) နေ့ မှ (၁၇.၅.၂၀၁၅) နေ့အတွင်း ဝင်ရောက်ယှဉ်ပြိုင်မှုသာ အကျူံးဝင်မည်ဖြစ်သည်။

၃။ ပြိုင်ပွဲဝင်သူများသည် နိုင်ငံရေး သို့မဟုတ် ဘာသာရေးနှင့် ပတ်သက်ဆက်နွယ်သော အကြောင်းအရာများ

ရေးသားခြင်းမပြုရပါ။

၎။ ပါဝင်ယှဉ်ပြိုင်သူများအနေဖြင့် နိုင်ငံအတွင်းရှိ ဥပဒေများကို ချိုးဖောက်ခြင်းမပြုရပါ။

၅။ ပြိုင်ပွဲဝင်များသည် ပါဝင်ယှဉ်ပြိုင်မှုတွင် ရွေးချယ်ခံရပါက မိမိတို့ ရေးသားထားသည့် အကြောင်းအရာနှင့် ဓာတ်ပုံများကို SWM team မှ စီမံကိန်းဆက်သွယ်ရေး အသိပညာမြှင့်တင်ရေး လုပ်ငန်းစဉ် များတွင် ဆက်လက်အသုံးပြုခြင်းကိုသဘောတူရမည်။

၆။ SWM team အနေဖြင့် မြန်မာပြည်သူလူထု အတွက် သင့်လျော်မှုမရှိဟု ယူဆသောအကြောင်းအရာများကို ပယ်ဖျက်ခွင့်ရှိသည်။

၇။ ပြိုင်ပွဲဝင်များအနေဖြင့် ဓာတ်ပုံနှင့် အကြောင်းအရာ တခုထက်ပိုပြီး ယှဉ်ပြိုင်နိုင်ပါသည်။ ဓာတ်ပုံတွင် ဓာတ်ပုံအကြောင်းရှင်းလင်းပြသသော ပုံစာ မဖြစ်မနေပါရှိရန်လိုအပ်ပါသည်။

၈။ သတ်မှတ်ထားသောပြိုင်ပွဲဝင်စည်းကမ်းချက်များကို မှန်ကန်စွာမလိုက်နာသူများအား ထည့်သွင်းစဉ်းစား

ပေးမည်မဟုတ်ပါ။

၉။ ပြိုင်ပွဲအတွက် စီမံကိန်း၏ web စာမျက်နှာ၊ ဘလော့ပေ့ဂ်ျနှင့် facebook ပေ့ခ်ျများပါ အကြောင်းအရာများအား ကိုးကားနိုင်ပါသည်။

၁၀။ ဆုအား စီမံကိန်းအဖွဲ့ဝင်များမှရွေးချယ်သွားမည်ဖြစ်ပြီး စီမံကိန်း facebook ပေါ်ရှိ like ရမှု အရည်အတွက်ပါ ထည့်သွင်းစဉ်းစားမည်ဖြစ်ပါသည်။

(ပြိုင်ပွဲကာလအတွင်း အငြင်းပွားဖွယ်ရာတစ်စုံတရာဖြစ်ပေါ်လာပါက စီမံကိန်းအဖွဲ့ ၏ ဆုံးဖြတ်ချက်သာလျှင် အတည်ဖြစ်သည်။)

Posted in Activities | Leave a comment

မြေဆွေးထုတ်လုပ်ခြင်း ပထမခြေလှမ်း

၁။ မြေဆွေးထုတ်လုပ်ခြင်းလုပ်ငန်း လုပ်ကိုင်လိုသော အဖွဲ့ အစည်းရှာဖွေခြင်း

မြေဆွေးထုတ်လုပ်ခြင်းလုပ်ငန်းတွငိစိတ်ဝင်စားသောအဖွဲ့အစည်းရှာဖွေရန်အမှတ် (၅၆)၊၀ါဦး(၄)လမ်း ၊ဖော့ကန် ရပ်ကွက်၊အင်းစိန်မြို့နယ်၊ ရန်ကုန်ဧဒင် မသန်စွမ်းပညာသင်ကျောင်းမှ ကျောင်းသား မိဘများ အားဖိတ်ခေါ်၍ မြေဆွေးထုတ်လုပ်ခြင်းလုပ်ငန်းကိုPower point ဖြင့်မိတ်ဆက် ပွဲတစ်ခု စီစဉ်ဆောင်ရွက် ခဲ့ပါသည်။အဆိုပါ မိတ်ဆက် ပွဲ တွင် စမ်းသပ်စီမံကိန်းဖြစ်သော မြေဆွေးထုတ်လုပ် မည့်လုပ်ငန်းစဉ်များ တင်ဆက်ခဲ့ပါသည်။

၂။ မြေဆွေးထုတ်လုပ်ခြင်းလုပ်ငန်းကို စိတ်ဝင်စားသော ကျောင်းသားမိဘများအားဖိတ်ခေါ် တွေ့ဆုံခြင်း

မြေဆွေးထုတ်လုပ်ခြင်းလုပ်ငန်းကို စိတ်ဝင်တစားပူပေါင်းပါဝင် လုပ်ကိုင်လိုသော ကျောင်းသားမိဘ များအားဖိတ်ခေါ်၍ တွေ့ဆုံခြင်း အစည်းအဝေးအခန်းအနားကို ဧဒင် မသန်စွမ်းပညာသင်ကျောင်းတွင် ထပ်မံကျင်းပခဲ့ပါသည်။ ထိုအစည်းအဝေး အခန်းအနားတွင် မြေဆွေးထုတ်လုပ်မည့်နေရာ၊ မြေဆွေးထုတ်လုပ် မည့်အမှိုက်များ ရနိုင်သည့် အနီးဆုံးဈေး နှင့် မြေဆွေးထုတ်လုပ်မည့်လုပ်ငန်းစဉ်များ ဆွေးနွေးခဲ့ပါသည်။

၃။ CESVI နှင့် ဧဒင်မသန်စွမ်းပညာသင်ကျောင်းမှ ကျောင်းသားမိဘများ လုပ်ငန်းသဘောတူ စာချုပ် ချူပ်ဆိုခြင်း

၂၀၁၅ ခုနှစ် မတ်လ ၃ ရက်နေ့တွင် ဧဒင်မသန်စွမ်းပညာသင်ကျောင်းမှကျောင်အုပ်ကြီးနှင့် ကျောင်းသားမိဘများစုစုပေါင်း(၉) ဦးနှင့် စာချုပ် ချူပ်ဆိုခဲ့ပါသည်။

၎။ CESVI မှ YCDC,PCCD သို့ဟင်းသီးဟင်းရွက် စွန့်ပစ်အမှိုက်မှ မြေဆွေးထုတ်လုပ်ခြင်း လုပ်ငန်းတွင် လိုအပ်သော ပစ္စည်းများ သုံးစွဲခွင့်ပြုပါရန်တောင်ဆိုခြင်း

မတ်လ အစောပိုင်းကာလက ကျင်းပခဲ့သော အစည်းအဝေး၌ YCDC,PCCD မှ အင်းစိန်မြို့နယ်တွင်း ဟင်းသီးဟင်းရွက် စွန့်ပစ်အမှိုက်မှ မြေဆွေးထုတ်လုပ်ခြင်း လုပ်ငန်းတွင် လိုအပ်သော ပစ္စည်းများ သုံးစွဲခွင့်ပြု မည်ပြီး စာချုပ် ချူပ်ဆိုခြင်းကို ဆက်လျက်ဆောင်ရွက်လျက်ရှိပါသည်။

၅။ CESVI နှင့် ဧဒင်မသန်စွမ်းပညာသင်ကျောင်းပူးပေါင်း၍ မြေဆွေးထုတ်လုပ်မည့်နေရာ စစ်ဆေးခြင်း

ရွှေပြည်သာရှိ ဧဒင်မှကျောင်းသားမိဘတစ်ဦးပိုင်ဆိုင်သော မြေနေရာကို သွားရောက်စစ်ဆေးရာ ထိုမြေနေရာသည် အသေးစားမြေဆွေးနိုင်ပါသည်။

၆။ CESVI မှ မြေဆွေးထုတ်လုပ်ခြင်း လုပ်ငန်းတွင် လိုအပ်သော ပစ္စည်းများစုဆောင်းခြင်း ပြင်ဆင်ခြင

မြေဆွေးထုတ်လုပ်ခြင်း လုပ်ငန်းတွင် လိုအပ်သော ပစ္စည်းများ မှာ ကောက်ရိုး ၊ နွားချေး၊ ၀ါးရိုင်ခွေ၊ ဖွဲနု နှင့် EM စသောပစ္စည်း များစုဆောင်းခြင်းကို CESVI မှတာဝန်ယူဆောင်ရွက်လျက်ရှိပါသည်။

Posted in Activities | Leave a comment

စွန့်ပစ်ပစ္စည်းစီမံခန့်ခွဲမှုဆိုင်ရာတွင် ပုဂ္ဂလိက ကဏ္ဍအား စွမ်းဆောင်ရည်မြှင့်တင်ခြင်း၊ စက်မှုဇုံမှ စက်ရုံများအားသင်တန်းပေးခြင်း

မြန်မာနိုင်ငံမှ ပွင့်လင်းလာသည့်အခြေအနေများနှင့်အတူ ပုဂ္ဂလိက အခန်းကဏ္ဍသည်လည်းပဲ တိုးတက်နေပါသည်။ ထိုတိုးတက်လာသည့် အခြေအနေနှင့်တကွ နိုင်ငံတကာအဆင့်မှီသော စီမံခန့်ခွဲမှုမှာလည်းပဲလိုအပ်လာပါသည်။ ထိုအထဲတွင် သဘာဝပတ်ဝန်းကျင်နှင့် စွန့်ပစ်ပစ္စည်း စီမံခန့်ခွဲမှုဆိုင်ရာ စီမံခန့်ခွဲမှုတွင်လည်းပဲ တခုအပါအဝင် ဖြစ်ပါသည်။

SWM2 စီမံကိန်းတွင်လည်းပဲ အဆိုပါကိစ္စအတွက် ရည်မှန်းချက်ထားဆောင်ရွက်လျက်ရှိပါသည်။ ပုဂ္ဂလိကကဏ္ဍမှ စွန့်ပစ်ပစ္စည်းစီမံခန့်ခွဲမှု စက်မှုလုပ်ငန်းထွက်အမှိုက်များ စီမံခန့်ခွဲမှုကိစ္စများတွင် စွမ်းဆောင်ရည်မြှင့်တင်ရန်အတွက် သင်တန်းများအား နိုဝင်ဘာ ၂၀၁၄ နှင့် ဇန်နဝါရီ ၂၀၁၅တွင် သင်တန်းများပေးခဲ့ပါသည်။

20141119_134902

သင်တန်းများအား နိုင်ငံခြားကျွမ်းကျင်ပညာရှင်များမှပေးခဲ့ပြီး ဘာသာစကားအခက်အခဲမရှိစေရန် သင်တန်းတလျှောက် မြန်မာဘာသာဖြင့်ပြန်ဆိုခဲ့ပါသည်။ သင်တန်းသားများ သင်တန်းတက်ရောက်ရန် အဆင်ပြေစေရန်အတွက် သင်တန်းများအား နေ့ဝက်သင်တန်းအဖြစ် စီစဉ်ဆောင်ရွက်ခဲ့ပါသည်။ နိုဝင်ဘာ ၁၉၊ ၂၀၁၄၊ မွန်းလွဲ ၁း၃၀ မှ ၄း၃၀အထိ “Waste typology and classification – practical tools for private companies to identify their waste and the degree of risk in managing it” ခေါင်းစဉ်ဖြင့် Mr. Andrea Galparoli, AMIAT S.p.a, Turin City, Italy မှပို့ချခဲ့ပါသည်။ သင်တန်းတွင် အဓိကအားဖြင့် စက်မှုထုတ်လုပ်ရေးလုပ်ငန်းများနှင့် သဘာဝပတ်ဝန်းကျင်ရေးရာများ ဆက်နွယ်မှု၊ စက်မှုကဏ္ဍနှင့် ဥပဒေဆိုင်ရာမူဘောင်၊ စက်မှုဆိုင်ရာအမှိုက်နှင့် ရေဆိုးဆိုင်ရာ သတ်မှတ်ပြဌာန်းချက်များ၊ သဘာဝပတ်ဝန်းကျင်ကာကွယ်ရေးဆိုင်ရာ အခွန်အကောက်နှင့် ကုန်ကျစားရိတ်များအား ပို့ချခဲ့ပါသည်။

Mr. Marco Guercio, AMIAT S.p.a, Turin City, Italy မှ ဇန်နဝါရီ ၂၇၊ ၂၀၁၅ မွန်းလွဲတွင် “Waste typology and classification – practical tools for private companies to identify their waste and the degree of risk in managing it” ခေါင်းစဉ်ဖြင့် အမှိုက်အမျိုးအစား ခွဲခြားသတ်မှတ်ခြင်း၊ အမှိုက်စီမံခန့်ခွဲခြင်းဘေးအန္တရာယ်များ၊ အမှိုက်စီမံခန့်ခွဲမှု (အမှိုက်ထွက်ရာနေရာများအားဆန်းစစ်လေ့လာမှုပြုခြင်း၊ အမှိုက်သိမ်းဆည်းခြင်း၊ သိုလှောင်ခြင်း၊ သယ်ယူပို့ဆောင်ခြင်းဆိုင်ရာ ကိစ္စများ)အားလည်းကောင်း၊

ဇန်နဝါရီ ၃၀၊ ၂၀၁၅ မွန်းလွဲတွင် “Environmental law – practical tools for private companies to improve internal systems for waste management and disposal” ခေါင်းစဉ်ဖြင့် ပုဂ္ဂလိကလုပ်ငန်းများမှ အမှိုက်စနစ်တကျစီမံခန့်ခွဲခြင်းမှ ရလာနိုင်သော အကျိုးအမြတ်များ၊ သဘာဝပတ်ဝန်းကျင်ဆိုင်ရာ သက်ရောက်မှု၊ တိုးတက်မှုအစီအမံ၊ သက်ဆိုင်သော အရေးပါသောညွှန်းကိန်းများ၏ အကျိုးသက်ရောက်မှုအကဲဖြတ်ခြင်းနှင့် ပတ်ဝန်းကျင်အားသက်ရောက်မှုနည်းပါးစွာ အမှိုက်စွန့်ပစ်ခြင်းနည်းလမ်းများအားလည်းကောင်း၊ “Environmental standard – different kind of certification and practical steps for private companies to apply for” ခေါင်းစဉ်ဖြင့် ဖေဖော်ဝါရီလ၃ရက်နေ့မနက်ပိုင်းတွင် စီမံခန့်ခွဲမှုစနစ်၊ ကိုးကားစံနှုန်း၊ နိုင်ငံတကာစံချိန်စံညွှန်း လျှောက်ထားခြင်းအတွက် အကျိုးအမြတ်များနှင့် စီမံခန့်ခွဲမှု၏အရေးပါသောအပိုင်းများအား လည်းကောင်း၊ သင်တန်းပေးခဲ့ပါသည်။

သင်တန်းအား သင်တန်းသားဦးရေ ၁၂၀ မှ ၄၀ အထိတက်ရောက်ခဲ့ပြီး၊ အမေးအဖြေကဏ္ဍတွင်လည်းပဲ တက်ကြွစွာ မေးမြန်းခဲ့ပါသည်။ သဘောပေါက်လေ့လာမှုအားဆန်းစစ်ရန်အတွက် သင်တန်းအပိုင်းတခုပြီးတိုင်းတွင် မေးခွန်းလွှာများ ဝေငှကာ ဖြေဆိုခိုင်းခဲ့ပါသည်။

Posted in Activities | Leave a comment

လမ်းသန့်စမ်းသပ်စီမံကိန်းရဲ့ပထမခြေလှမ်း

လမ်းသန့်စမ်းသပ်စီမံက်ိန်းကို ၂၀၁၅ ဇန်န၀ါရီလတွင် တွေ့ဆုံဆွေးနွေးပြောဆိုပွဲများနှင့် စတင်ခဲ့ပါတယ်။ လမ်းသန့်သည် ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနမှ အဓိကသက်ဆိုင်သူများ၊ ရပ်ကွက်အုပ်ချုပ်ရေး နှင့် နိုင်ငံသားများပါဝင်ပြီး ယင်းအဖွဲ့များကြား ပေါင်းစပ်ထားသော စွန့်ပစ်ပစ္စည်းစီမံခန့်ခွဲမှုကို လွယ်ကူချောမွေ့စေရန် လုပ်ဆောင်ခြင်းဖြင့် တိုးမြှင့်ခဲ့သည်။

ပထမဆုံးသောဆွေးနွေးပွဲသည် ရပ်ကွက်နှင့် ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနမှ မြို့နယ်အရာရှိများကြား အမှိုက်နှင့်ပတ်သတ်၍ နှစ်ဦးနှစ်ဘက် တွေ့ကြုံရသောအခက်အခဲများအကြောင်း အပြန်အလှန် သိရှိနားလည်ရန် လူမှုဖွံ့ဖြိုးရေးတိုးတတ်ရေးအသင်းနှင့် Cesvi မှ ပံ့ပိုးပေးသူအဖြစ် ဆောင်ရွက်ခြင်းဖြင့် တာမွေမြို့နယ်၌ တတ်ရောက် ကျင်းပခဲ့ပါတယ်။ ဖြစ်ပေါ်နေသော ပြသနာများနှင့် စတင်မိတ်ဆက်ပြောဆိုရင်း စမ်းသပ်စီမံကိန်းကို စတင်အကောင်အထည်ဖော်ရန် နေရာကိုရှာဖွေကြပါတယ်။ ဒုတိယဆွေးနွေးပွဲကိုလည်း အရင်နည်းတူ ပါဝင်တတ်ရောက်ပြီး စမ်းသပ်စီမံကိန်းတွင် အကောင်အထည်ဖော်မည့် ရပ်ကွက်၃ခုကိုရွေးချယ်ခဲ့ပါသည်။

01

ထိုကနဦးဆွေးနွေးပွဲများပြီးနောက် Cesvi နှင့် CDA တို့သည် ရွေးချယ်ထားသောရပ်ကွက်များရှိ အမှိုက်သိမ်းဆည်း စီမံမှုကိုနားလည်သိရှိရန် ဆွေးနွေးမေးမြန်းမှုတွေ့ဆုံပွဲ၃ခုပြုလုပ်ခဲ့ပါတယ်။ ပြည်သူနှင့် ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနကြားတွင် အုပ်ချုပ်ရေးမှူးက စေ့စပ်ပံ့ပိုးပေးသူအဖြစ် ဆောင်ရွက်ပေးခဲ့ပါတယ်။ ရပ်ကွက်သုံးခုသည် အမှိုက်ထွက်နှုန်းတိုးတတ်မှု၊ လူဦးရေတိုးတတ်လာမှု၊ ပြောင်းရွေ့နေထိုင်မှုများလာခြင်းကြောင့် အိမ်နီးချင်းများ ကြိမ်ဖန်များစွာပြောင်းရွေ့မှု စသည်တို့ကိုဖြေရှင်းရန် အရင်က ခွဲပြားခြားနားပြီး အောင်မြင်သော၊ ပျောက်ကွယ်သွားသောအမှိုက်သိမ်းစနစ်များရှိခဲ့ပါတယ်။

02

ပြည်သူတွေဆီမှ သတင်းအချက်အလက်များကို ရရှိပြီးနောက် CESVI/CDA တို့သည် လုပ်ဖော်ကိုင်ဖက်ဖြစ်သော ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာန နှင့် ဖြစ်နိုင်ခြေရှိသော အကောင်အထည်ဖော်ရေး လုပ်ငန်းဆောင်တာများကို ဆွေးနွေးနေပါတယ်။

Posted in Activities | Leave a comment

ရန်ကုန်မြို့တော်ဝန်းကျင် တိုးတတ်ရန်ရည်ရွယ်လျက် လမ်းသန့်စမ်းသပ်စီမံကိန်း၏ ပူပေါင်းပါဝင်ခြင်းနည်းလမ်းများ

စွန့်ပစ်အမှိုက် စီမံခန့်ခွဲမှုအသင်းသည် ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာန၊ မြန်မာဒေသခံ လူမှုရေးအဖွဲ့အစည်းများဖြစ်သော (ECODEV) နှင့် လူမှုဖွံ့ဖြိုးတိုးတတ်ရေးအသင်း တို့ပါဝင်မှုဖြင့် လမ်းသန့်ရှင်းရေး စမ်းသပ်စီမံကိန်းအတွက် ၂ရက်တာအလုပ်ရုံဆွေးနွေးပွဲကို ၂၀၁၄ ဇွန်လ ၁၇နှင့်၁၈တွင် အကောင်အထည် ဖော်ခဲ့ပြီးဖြစ်ပါသည်။ စွန့်ပစ်အမှိုက်စီမံခန့်ခွဲခြင်း လုပ်ဖော်ကိုင်ဘက်များနှင့်အတူ သတင်းအချက်အလတ်အားလုံး၊ အကြံပေးချက်များနှင့် ထောက်ခံချက်များကို စုဆောင်းခဲ့ပါတယ်။ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာန၊ မြန်မာဒေသခံ လူမှုရေးအဖွဲ့အစည်းများဖြစ်သော (ECODEV) နှင့် လူမှုဖွံ့ဖြိုးတိုးတတ်ရေးအသင်းတို့ပါဝင် အခြားသော ပါဝင်ပတ်သတ်သူများနှင့်

(က) လမ်းသန့်စီမံကိန်း အကောင်အထည်ဖော်ဆောင်ရွက်ခြင်းကို အခြားစမ်းသပ်စီမံကိန်းများနှင့် အပြိုင်   လုပ်ဆောင်နိုင်မှု ရှိမရှိ

(ခ) ဖြစ်နိုင်ခြေနှင့် အောင်မြင်နိုင်သောအကောင်အထည်ဖော်မှု နည်းပျူဟာများကို သတ်မှတ်ရန် အလုပ်ရုံဆွေးနွေးပွဲကို ပြုလုပ်ခဲ့ပါတယ်။

01

အလုပ်ရုံဆွေးနွေးပွဲတွင် ပါဝင်သူများသည် အောက်ပါအချက်အလတ်များကို ဆွေးနွေးခဲ့ပါသည်။

  • လမ်းသန့်စီမံကိန်း ကနဦးပုံစံအဆင့်ဆင့်
  • စီမံကိန်းတွင် ပါဝင်လာနိုင်မည့်သူများကို သတ်မှတ်ခြင်း။
  • စီမံကိန်း၏ ဖြစ်နိုင်သော အဓိကရည်ရယ်ချက်နှင့် ရည်မှန်းချက်များကို သတ်မှတ်ခြင်း၊ မိမိဝန်းကျင်၍ ကြုံတွေ့ရသောပြသနာများကို စူစမ်းလေ့လာခြင်း၊ လမ်းသန့်နှင့် ဆက်နွယ်နေသောပြသနာများကို ခွဲခြားလေ့လာခြင်း။
  • ပါဝင်လာနိုင်သောသူများကို တတ်ကြွလှုပ်ရှားသူအဖြစ် ပါဝင်လာအောင် ဆောင်ရွက်ရန် ကနဦးနည်းလမ်းများ လေ့လာခြင်း။
  • အမျိုးမျိုးသော ကနဦးနည်းလမ်းများ (လမ်းသန့်ရှင်းခြင်း၊ နောက်ဖေးလမ်းကြားသန့်ရှင်းခြင်း၊ အကျိုးသက်ရောက်မှုရှိသော အဟောင်းပစ္စည်းများ သိမ်းဆည်းခြင်း အစရှိသော)၊ အောင်မြင်မှုအများဆုံးရှိနိုင်သော ကနဦးနည်းလမ်းများကို အလေးပေးဆောင်ရွက်ခြင်း။
  • အောင်မြင်ခြင်းနည်းလမ်းတစ်ခု – အားလုံးပါဝင်ရေးဆွဲထားသော ဒီဇိုင်းအကြို၊ အပြုသဘောဆောင်သော ပုံစံများတိုးမြှင့်ဆောင်ရွက်ခြင်း အပေါ်အခြေခံ၍ အပျက်သဘော ဆောင်သောပုံစံများကို အပြန်အလှန် အဖြေပေးခြင်း။
  • ရွေးချယ်ထားသော ကနဦးနည်းလမ်းကိုအခြေခံ၍ လှုပ်ရှားမှုအစီအစဉ်၊
  • ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနနှင့် အခြားပါဝင်သူများ၏ အခန်းကဏ္ဍများ

အလုပ်ရုံဆွေးနွေးတွင် အဖွဲ့ဖွဲ့၍ဆွေးနွေခြင်း၊ အဖွဲ့လိုက်လုပ်လုပ်ခြင်း၊ လှုံဆော်ခြင်း၊ လေ့ကျင့်ခြင်းများ ပါဝင်ခဲ့သည်။ နှစ်ရက်တာသင်တန်းပြီးဆုံးသွားပြီးနောက် ပါဝင်သူများက လမ်းသန့်စမ်းသပ်စီမံကိန်း ဖွံ့ဖြိုးရန် ဖြစ်နိုင်သောလုပ်ဆောင်ချက်တစ်ခုကိုရေးဆွဲခဲ့ပါတယ်။ တွေ့ရှိချက်တွေနဲ့ ရှေ့ဆက်ရမည့်လုပ်ငန်း တွေကို   အောက်တွင်ဖော်ပြထားပါတယ်။

02

တွေ့ရှိချက်များ

  • လမ်းသန့်သည် ဖြစ်ပေါ်နေသော အကြောင်းအရာတစ်ခုလုံးကို ကိုင်တွယ်ဖို့ကြိုးစားခြင်းထက် စွန့်ပစ်အမှိုက်စီမံခန့်ခွဲခြင်းရဲ့ ပြသနာများအနက်မှ တိကျပြီးသီးခြားဖြစ်သော ပြသနာတစ်ခု (သို့) နှစ်ခုကို အာရုံစိုက်ဆောင်ရွက်ခြင်း။
  • ဘုရားကျောင်း၊ ဘုန်းကြီးကျောင်းဝန်းအတွင်း၊ စာသင်ကျောင်းဝန်းအတွင်း၊ လမ်းတစ်လမ်း၊ ကားမှတ်တိုင်တစ်ခု စသဖြင့် ဖြစ်နိုင်ခြေရှိသော မျြိ့တော်တွင်းကောင်းစွာသတ်မှတ်ထားသော နေရာတစ်ခုခုကို အခြေပြုလုပ်ဆောင်ခြင်း။
  • ဖွဲ့စည်းပြီးသားဖြစ်သော လုပ်ဆောင်ချက်နှင့် ရည်ရွယ်ချက်များ လုပ်ငန်းစဉ်များရှိသော လူထုအခြေပြုအဖွဲ့အစည်းများ၊ အနည်းဆုံး သဘာဝပတ်ဝန်းကျင်၊ ကျန်းမာရေးနှင့် အုပ်ချုပ်ရေး အကြောင်းအရာ ပမာဏအချို့ကို တိုးတတ်အောင်ပြုလုပ်ခြင်း။
  • လူထုအခြေပြုအဖွဲ့အစည်းများ၊ အခြားသောပါဝင်သူများ၏ အဓိက လှုပ်ရှားမှုများ
    • ဒေသခံလူမှုရေးအဖွဲ့များသည် လူထုအခြေပြု အဖွဲ့အစည်းများကို    လမ်းသန့်စမ်းသပ်စီမံကိန်း အကောင်အထည်ဖော်ရန် သတ်မှတ်ထားသောအလုပ်စွမ်းအင် တည်ဆောက်ခြင်းအတွက် တာဝန်ယူရခြင်း။
    • ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနသည် စွန့်ပစ်အမှိုက်စီမံခန့်ခွဲခြင်း ၀န်ဆောင်မှုဘက်တွင် ကြီးကြပ်ကွက်ကဲခြင်း တာဝန်ယူရခြင်း။
    • ရပ်ကွက်နှင့် မြို့နယ်မှ အာဏာပိုင်များသည် အခြေခံလူတန်းစားများပါဝင်လှုပ်ရှားမှုတွင် ပူပေါင်းဆောင်ရွက်မှု။
    • နိုင်ငံသားများသည် စွန့်ပစ်အမှိုက်စီမံခန့်ခွဲမှု အလေ့အကျင့်ကောင်းများရဲ့ အသိအမြင်နှင့်သန့်ရှင်းမှု အားဖြင့်တာဝန်ယူရခြင်း။
  • လမ်းသန့်သည် အပျက်သဘောဆောင်သော အပြုအမှုအများစုကိုကိုင်တွယ်ရန်ကြိုးစားခြင်းထက် အပြုသဘောဆောင်သော အလေ့အကျင့်ကောင်းများ ပျံ့နှံ့မှုကို ထောက်ပံ့ခြင်းနှင့် အားကောင်းအောင်ပြုလုပ်ခြင်းတွင် တော်တော်လေး အာရုံစိုက်သင့်သည်။
  • လမ်းသန့်စီမံကိန်းတွင် သတ်မှတ်ဧရိယာအား အရင်ထက်ပို၍သန့်ရှင်းမှုတတ်ကြွစွာပါဝင်သော သူများအတွက် ၀င်ငွေအချို့ရခြင်း သေချာရန် နည်းလမ်းတစ်ခု ရေးဆွဲသင့်သည်။

03

ရှေ့ဆက်ရန်လုပ်ငန်းများ

စိတ်ပါဝင်စားသော ဒေသခံလုပ်ဖော်ကိုင်ဘက်များနှင့် အတူပူးပေါင်းဆောင်ရွက်ခြင်းဖြင့် Cesvi သည် လိုအပ်သောလှုပ်ရှားမှု အချက်အလက်အားလုံးကို သတ်မှတ်ခြင်း၊ ဖြစ်နိုိင်ချေရှိသော စမ်းသပ်မှုအတွက် ရိုးရှင်းသော ပုံကြမ်း ရေးဆွဲခြင်း။

  • Cesvi နှင့် ဒေသခံလုပ်ဖော်ကိုင်ဘက်များသည် လမ်းသန့်စီမံကိန်း အကောင်အထည်ဖော်မှုတွင် စိတ်ဝင်စားသော လူထုအခြေပြုအဖွဲ့အစည်းများကို သတ်မှတ်ခြင်း။
  • ရွေးချယ်ထားသောနေရာ၊ လူထုအခြေပြုအဖွဲ့အစည်း၊ ပြသနာများအခြေအနေအပေါ် အမှီပြု၍ အသေးစိတ်စမ်းသပ်စီမံကိန်း အကြံပြုချက် ကိုကြိုတင်ပြင်ဆင်ခြင်း နှင့် Cesvi၊ ဒေသခံလုပ်ဖော်ကိုင်ဘက်များနှင့် လူထုအခြေပြု အဖွဲ့အစည်းများ၊ ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနက သဘောတူအတည်ပြုခြင်း။
  • စီမံကိန်း၏နောက်ဆုံးအထောက်အထားပြုခြင်းအတွက် မြို့နယ်အာဏာပိုင်များနှင့် ဆွေးနွေးပွဲကို ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနက စည်းရုံးလုပ်ဆောင်ခြင်း။
  • စမ်းသပ်စီမံကိန်းကို ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာန၊ ဒေသခံလုပ်ဖော်ကိုင်ဘက်၏ နည်းနာအကြံပေးချက်များ၊ Cesvi ၏ကြီးကပ်ကွက်ကဲမှုအောက်တွင်   ပူပေါင်းပါဝင် ဆောင်ရွက်ခြင်းဖြင့် လူထုအခြေပြုအဖွဲ့အစည်းက အကောင်အထည်ဖော်ထည်ဖော်ခြင်း   စသည်တို့ဖြစ်ပါသည်။
Posted in Activities | Leave a comment

စီမံကိန်း၏ ဒုတိယနှစ်တွင် လူထုအသိပညာပေးလှုပ်ရှားမှုထပ်မံဆောင်ရွက်ခြင်း

စွန့်ပစ်ပစ္စည်းစီမံခန့်ခွဲမှု၏ စီမံကိန်းအနေဖြင့် လူထုအတွင်း အမှိုက်အားစီမံခန့်ခွဲနိုင်ရေးတွင် ပိုမိုတိုးတက်လာစေရန် အတွက် အမှိုက်စီမံခန့်ခွဲမှုဆိုင်ရာ အမူအကျင့်ကောင်းများဆိုင်ရာအသိပညာပေးလှုပ်ရှားမှုများအား ဆောင်ရွက်လျက် ရှိပါသည်။ ၂၀၁၄ခုနှစ်ဒီဇင်ဘာလ နောက်ဆုံးရက်သတ္တပတ်များတွင် အမှိုက်စီမံခန့်ခွဲမှုဆိုင်ရာ ဒုတိယအကြိမ်မြောက် အမူအကျင့်ကောင်းများ ဆိုင်ရာအသိပညာပေးလှုပ်ရှားမှုများကို စီမံကိန်းမြို့နယ်များဖြစ်ကြသော တာမွေ၊သင်္ဃန်းကျွန်း၊ လှိုင်သာယာမြို့နယ် များတွင်ဆောင်ရွက်ခဲ့သည်။

စီမံကိန်း၏ ပထမနှစ်တွင် တာမွေမြို့နယ် မေတ္တာညွှန့် ရပ်ကွက်တွင်းလည်းကောင်း၊ သင်္ဃန်းကျွန်းမြို့နယ် ၂၅ရပ်ကွက်တွင် လည်းကောင်း လှိုင်သာယာမြို့နယ် ကျန်စစ်သားအိမ်ယာတွင် လည်းကောင်း ဆောင်ရွက်ခဲ့ပါသည်။ စီမံကိန်း ဒုတိယနှစ်တွင်လည်း ပထမနှစ်နှင့် အလားတူပုံစံဖြင့် ဆောင်ရွက်ခဲ့ခြင်း ဖြစ်သည်။ ဒုတိယနှစ်တွင် တာမွေမြို့နယ် ကျားကွက်သစ် ရပ်ကွက်တွင်းလည်းကောင်း၊ သင်္ဃန်းကျွန်းမြို့နယ်၁၆/၄ ရပ်ကွက်တွင် လည်းကောင်း လှိုင်သာယာမြို့နယ် ၁၆ရပ်ကွက်တွင်လည်းကောင်း ဆောင်ရွက်ခဲ့ပါသည်။

02

အသိပညာပေးဆောင်ရွက်မှုလုပ်ဆောင်ရာတွင် စီမံကိန်းမိတ်ဖက်အဖွဲ့အစည်းဖြစ်သော ရန်ကုန်မြို့တော်စည်ပင် သာယာရေးကော်မတီ၊ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနနှင့် CESVIတို့မှပူးပေါင်းဆောင်ရွက်ခဲ့ပါသည်။ အသိပညာပေးပွဲတွင် ရပ်ကွက်တွင်းရှိပြည်သူလူထုများ၊ မိခင်နှင့်ကလေး စောင့်ရှောက်ရေးအသင်း၊ အမျိုးသမီးရေးရာ အဖွဲ့ဝင်များပါဝင်ခဲ့ကြပါသည်။

လူထုအသိပညာပေးဆောင်ရွက်မှုလုပ်ငန်းစဉ်များမှာ ပထမဦးဆုံး စုရပ်အနေဖြင့် ရပ်ကွက်အတွင်းရှိ ရပ်ကွက်အုပ်ချုပ်ရေးမှူးရုံး သို့မဟုတ် ဓမ္မာရုံများတွင် စုဝေးကြပြီး လူထုအသိပညာပေးဆောင်ရွက်ရခြင်းရည်ရွယ်ချက်နှင့် အမှိုက်နှင့်ပတ်သက်ပြီး သိကောင်းစရာများအား ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနနှင့် CESVIတို့မှ ပြောကြားပြီး ရပ်ကွက်အတွင်း ခေါင်းလောင်းတီး အမှိုက်သိမ်းခြင်းတွင် အတူတကွလိုက်ပါပြီး လူထုအား အသိပညာပေးဆောင်ရွက်ကြပါသည်။

01

လူထုအသိပညာပေးလုပ်ငန်းစဉ်များမှာ ခေါင်းလောင်းတီးအမှိုက်သိမ်း လမ်းကြောင်း တလျောက် အမှိုက်များကောက်ခြင်း၊ လူနေအိမ်၊တိုက်ခန်းများ၊ လူစည်ကားရာအရပ်များဖြစ်သော လက်ဖက်ရည်ဆိုင်များနှင့် ဆိုင်များ၊ လမ်းသွားလမ်းလာများ၊ ဖြတ်သန်းသွားလာနေသော အငှားယာဉ်များနှင့် အနှေးယာဉ်လုပ်သားများသို့ အမှိုက်အိတ်များ၊ အသိပညာမြှင့်တင်ရေးလက်ကမ်းစာစောင်နှင့် ၂၀၁၅ ပြက္ခဒိန် များကို ဝေငှခဲ့ပါသည်။ အသိပညာမြှင့်တင်ရေးလက်ကမ်းစာစောင်တွင် 3R နှင့်ပတ်သက်သောဗဟုသုတများ၊ အမှိုက်စွန့်ပစ်ခြင်းဆိုင်ရာ အမူအကျင့်ကောင်းများ၊ မြို့တော်သန့်ရှင်းရေးဆိုင်ရာ အမူအကျင့်ကောင်းများပါဝင်ပါသည်။ ၂၀၁၅ ပြက္ခဒိန်တွင် အမှိုက်လျှော့ချရေးဆိုင်ရာ အမူအကျင့်ကောင်းများနှင့် မြို့တော်သန့်ရှင်းရေးအမူအကျင့်ကောင်းများ အစရှိသည့် သတင်းစကားများကို ကာတွန်းနှင့် သရုပ်ဖော်ထားပါသည်။ လူထုအနေဖြင့် ပြက္ခဒိန်ကို ၁နှစ်ပတ်လုံးသုံးစွဲရင်းဖြင့် အသိပညာပေးသတင်းစကားများပြန့်နှံ့စေရန် ရည်ရွယ်ထားပါသည်။ ရပ်ကွက်နေလူထုအနေဖြင့် လူထုအသိပညာပေးလုပ်ငန်းစဉ်အပြီးတွင် လမ်းများ အချိန်တိုအတွင်း သန့်ရှင်းသွားခြင်းကို မြင်တွေ့ကြရပြီး၊ လက်ကမ်းစာစောင်များမှလည်းပဲ ဗဟုသုတများတိုးပွားနိုင်မည်ဖြစ်သည်။ ဆိုင်အချို့မှလည်းပဲ ၂၀၁၅ အသိပညာပေး ပြက္ခဒိန်များကို ချက်ချင်းလက်ငင်း အသုံးပြုနေသည်ကို မြင်တွေ့ခဲ့ရပါသည်။

Posted in Activities | Leave a comment